Darkori Nast Maz̃her Ya Dũr et Marjon

Cẽ Fazal Amin Beg en

Darkori nast maz̃her ya dũr et marjon
Z̃hũ gũl-e ishqi ma’r lal-e badahshon

Rec̃h’mes̃h dam-e khuz̃hg sado wuz da intiho
Woc’mes̃h toza yidamer ce dem k̃hũ jon

Yow-e khũshruy andoz et khuz̃hg ya majoz
Neyes̃h gotem wuz yow ce da pariston

Ziraki tumer ki ishorayi ghafch
Yow-e kũs̃hũyner woc’mes̃h ce bi’armon

Cartes̃h ce ob yow yem z̃hũ g̃har-e pũzũv
Dam-e khũshruyig̃hi z̃hũ ishq ce pinhon

Kum wakhten ki wezgem dam -e oshiqig̃h
G̃hirvetki far z̃hũ zindagig̃h dem jahon

Fazal Amin car tu shũkrat k̃hũ Khũdoyer
Ki dhetki ta’r ishq-e pari ce mihrbon