Dem Ti Ishq Rek̃hkem Wuz Ce Da Intiho

Cẽ Fazal Amin Beg en

Dem ti ishq rek̃hkem wuz ce da intiho
Khũdhoy-e bandagig̃hem k̃hetk norawo

Nasti ma’r tag chiz tinjig̃h dẽ har so’at
Res̃htes̃h ũk̃h et woy mes̃h z̃hũ wakht da ti ho

Ti yod-e rakhnig̃hes̃h maz̃h pact et teyi
Me g̃hirũvd maz̃h parg pẽric, yez̃hũ porso

Coghder yem shũm qiyomat niwizdep tra yand
Ki goten woz liman, ye gũl-e ra’no

Bu ror-e shũm intizor k̃hetk maz̃h e lew
Darmoni da ti dhast z̃hũ ishq-e dono

G̃hetekem ce wuz da spo ishq-e pũlpũl
Wez dẽ maz̃h g̃hat, me pervi’m wuz ra daryo

Fazal Amin! Yem yibu ror gar wezd ta’r zur
Ishq-e maywa’es̃h yan goten dem dũnyo