Hoziret Ki Dem Jahon: Yi Nola

Cẽ Fazal Amin Beg en

Hoziret ki dem jahon, kumret ye Parwardigor
Pẽrvetkem ra gham-e tũfon, da jũfem ce nag̃hd et ror

S̃henj’mes̃h ki towe da wakht, woces̃h ce ca’n be tu sakht
Chiz’res̃h lecer maz̃h bibakht, wũzũm z̃hũ joner qaror

Kum batk remim zindagig̃h, dem djahon dem turuqig̃h
Nasti dem chiz choragig̃h, ne’m got ya rost jon-e yor

Tuwet ki dẽ har jahon, yark’ves̃h ki dish da pinhon
Nik armonisht ta’r ayon, car bor yav maz̃her oshkor

Reg̃hde nisf z̃hũ zindagig̃h, ne wezde maz̃her tag khũshig̃h
Kat̃’nes̃h maz̃h ce da rakhnig̃h, thũwnes̃h z̃hũ jon da borbor

Car’mes̃h ki ta’r k̃hũ girya, ne’s̃h kũs̃hũy yan z̃hũ nola
Kuyer yan carem gila, ki Tu’t jahon-e Shohkor

Vitki Fazal Amin nodor, khato’es̃h cart yem gũnogor

Bakhs̃his̃h car z̃hũ Kirdgor, tangig̃hi wezg skam-e tor