Love / Romantic

Ishqi Yi Ajab Maydon

November 10, 2019

Cẽ Fazal Amin Beg en

Ishqi yi ajab maydon,wostes̃h khalg dem sargardon
Randenes̃h ce ya k̃hũ jon, ki g̃haten da k̃hũ armon

Wostes̃h ki khalg skẽ khalg put̃, pes̃htes̃h hamish ce ra lut̃
Kum’res̃h g̃hat da k̃hũ armon, kum’res̃h cart k̃hat e ziyon

Ku’ri ishq ce lup kẽsal, kuy’ri tey yem ya lup mahal
Kuy’res̃h wost yem ya oston,kuy’ri yem yi gũliston

Ishqi ce ghafch lup yi dard,chermes̃h dẽ yi zan et mard
Kuy’res̃h wost dard-e darmon,kuy-e jones̃h cart ziyon

Ishqi rakhnig̃h-e borbor,thũwdes̃h pũzũv bishũmor
Weres̃htes̃h yem yi armon, ki yow g̃hat to da osmon

Ishqeres̃h wost khalg ghũlom, wostes̃h zindagig̃h tamom
Yemi ghafch lup imtihon, ki goten yow dem jahon

Ya k̃hũ gũl k̃hũ ishq-e dish, pũurũt kat̃ yow-e khohish
Fazal Amin dẽ har zamon, wocep yan da oshiqon

You Might Also Like

No Comments

Leave a Reply