K̃hatet Z̃hũ Ishq-e Safar

Cẽ Fazal Amin beg en

Me g̃hirũv far k̃hũ nazar, moh-e Parwin

K̃hatet z̃hũ Ishq-e safar, moh-Parwin

 

Cumer be ki di s̃hũmonak da ambarin

Ma’ret z̃hũ s̃hũpkhet ambar, moh-e parwin

 

Da ti khũshruy vulem mast,z̃hũ mũs̃hk-e barin

Werc̃h’mes̃h da ti asar, moh-e Parwin

 

Ti ishq-e sharob maz̃h e yutk, k̃hates̃h tayin

Nẽs̃hetkem ce da ti bar, moh-e parwin

 

Chi’r wes̃hin dem oshiqig̃h, ye dilnashin

Wez rũnd̃ũyn dem bikhatar, moh-e Parwin

 

Niyenget rem pũzũv-e bogh, ye z̃hũ shirin

Vitket z̃hũ ishq-e parwar, moh-e Parwin

 

Dem ti ishq teyi zinda, ti Fazal Amin

Me car yow pũzũv-e zar, moh-e Parwin