K̃han’nes̃h Saver Khũshomadid

Cẽ Fazal Amin Beg en

Tojik’v-e rasm riwoji yem, k̃han’nes̃h saver khũshomadid
Pomir-e lup ya toji yem k̃han’nes̃h saver khũshomadid
Khũshomadid khũshomadid, khũshomadid khũshomadid

Khũsh wezit wudhg dem chaman, dem parigon’v-e watan
Jush mes̃h en yem mard et zan, k̃han’nes̃h saver khũshomadid
Khũshomadid khũshomadid, khũshomadid khũshomadid

Dem pũzũv-e gũliston, wezgev ce spo khuz̃hg mehmon
Wudhg dem kũli posbon, k̃han’nes̃h saver khũshomadid
Khũshomadid khũshomadid, khũshomadid khũshomadid

Khũshruy spo yaz et daryo, k̃hetkev ce past k̃hũ sado
Parinda’v-e raqs tẽr hawo, k̃han’nes̃h saver khũshomadid
Khũshomadid khũshomadid, khũshomadid khũshomadid

Khũdhoy-e rahmati mehmon, imon-e dawlati mihmon
Har khun-e e izati mihmon, k̃han’nes̃h saver khũshomadid
Khũshomadid khũshomadid, khũshomadid khũshomadid

Khuz̃hg yem ziki Fazal Amin, c̃haw pũrũt mihmon’v-e win
Spreg̃h’v-e bogh dem ambarin, k̃han’nes̃h saver khũshomadid
Khũshomadid khũshomadid, khũshomadid khũshomadid