Love / Romantic

Ki Wiz’tes̃h Ya Z̃hũ Ishq-e Yor

June 25, 2018

Cẽ Fazal Amin Beg en

 

Muz̃hdayig̃hem ce kẽs̃hen, ki wiz’tes̃h ya z̃hũ ishq-e yor

Wostes̃h woshwosh z̃hũ pũzũv , yow wing haten wuz biqaror

 

K̃han’nes̃h ki oshiqisht sargh, lewig̃h pirivt ta’m-v-e sar

Kum’res̃h bet g̃haten yasht dem, bũlandi ce ishq-e sitor

 

Nostem gar yem k̃hũ nazar, woz res̃htes̃h z̃hũ ũmr da ti yod

Gotem k̃hũ ishq-e asar, ce’yi pũr khatar woz pũr asror

 

Nastem wuz tag pashaymon, dem ti ishq ye gũl banafsha

Didig̃h yem khũshruy miywa, dem z̃hũ zindagig̃h yi gũdor

 

Sar bũland wez k̃he cherem rem bogh ye z̃hũ rukhn kũpit

Neyep niv kuy tow redhũvd yoy kum zolim cart tow ozor

 

Yaw wudhg ya Har khuz̃hg miywa, ceyet ne got kertet sũma

Da ti ishq z̃hũ niholisht, g̃hẽtetk k̃he vitkev ce miywador

 

Wezgi pũrũt Fazal Amin, ta’r dem k̃hũ khuz̃hgig̃h-e watan

Khũshomadid skem zamin, ta’r wudhg dem lup khũshig̃h-e rẽwor

 

You Might Also Like

No Comments

Leave a Reply