Nas̃htes̃h Ce Nan’v-e Zik Dẽ Nan’v-e Soya

Ce Fazal Amin Beg en

Tayin yi zikes̃h cereng cart k̃hũ nola
Nas̃htes̃h ce nan’v-e zik dẽ nan’v-e soya

Inson-e zikev didig̃h cerengev shekhsetk
Jayjay dem jahonev wẽrk̃hetk et nẽs̃hetk

Hũmũy tu donishju, shogerd yoy digar
Ki tu’t oqil rand k̃hũ ziker k̃hũ hũnar

Dez̃hget ce k̃hũ tatpup’v en k̃hũ zik dẽ farz
K̃hũ zẽman’ver yem g̃hatũv yemi sẽk tow qarz

Ki tu’t woris, k̃hũ tat -e zik car nigah
Sad afsũs! Ki neyes̃h dish k̃hũ khazina

Zik-e joni dam-e khalg’v-e lup khiyol
Mũrdũmishtev vitk da k̃hũ zik’v en lup misol

K̃hũ tatnan zik me kat̃it cẽbas Fazal Amin
Res̃htep yem yan pũrũt skem ruy-e zamin


Comments

Leave a Reply

Your email address will not be published. Required fields are marked *