Spreg̃h’v-e Toji Ce Z̃hũ Gũl Banafsha

Cẽ Fazal Amin Beg en

Spreg̃h’v-e toji ce z̃hũ gũl banafsha
Woc’mes̃h mast dam-e khũshruy vul-e nasha

Nast ma’r chiz qiymat dam-e ishq-e pũrũt
Ki wu’m zinda da k̃hũ jonon-e shisha

Khũshruy yow c̃hez̃hmishtev janqan pari en
Tiloyi muy, gũlobi ruyerem sadqa

Nasti darkor maz̃her chinor-e darakht
Dem z̃hũ boghi ma’r z̃hũ ishq-e shikinda

K̃hetkem tuba ca takabũr trek en
Got’mes̃h dem k̃hũ ishq-e dũshta k̃hũ khuz̃hg maywa

Z̃hũ ishq-e porsoyi z̃hũ ishq-e manz̃il
Nasti kuy dem jahon z̃hũn cam en bishkha

Fazal Amin ! nivish k̃hũ gũl-e nung en ghazal
me kat̃ cẽbas k̃hat kum batk ki zinda