Ye Z̃hũ Layli Wez Ko Drem Ishq-e Makon

Cẽ Fazal Amin Beg en

Ye z̃hũ Layli ko wez drem ishq-e makon

Thaw’m et pec̃h’mes̃h ce wuz drem, nasti darmon

 

Nasti chiz rũz yezwudhg ti Majnũner drem

Vitki bihol k̃he yodes̃h cart tow ye jon

 

K̃hũ narz en yiloy g̃hat k̃he maz̃h e nik̃hind

Cem shur en wuch maz̃h k̃he yund da k̃hũ jahon

 

Ney wũrek̃hk insoniyat -e qadr ko didig̃h

Oshiqvev ce k̃hetkev tang k̃he nasti amon

 

Noyoft z̃hũ khũsh rukhn kũpit, tower niyoz

Wũzũm woz ya mũz̃hdayig̃h maz̃her pinhon

 

Ye z̃hũ shohin, bũland z̃hũ ishq-e tapin

Wocen tapin wudhg qiti, wez niv ayon

 

Dem k̃hũ yod wudghi ghamgin ti Fazal Amin

Jald dam g̃hat me lecer k̃hat’r ghelch dem jahon