Yow Khũshruy C̃hez̃hmer G̃hirem, K̃hetki Maz̃h Ce Z̃akhmizor

Cẽ Fazal Amin Beg en

Yow khũshruy c̃hez̃hmer g̃hirem, k̃hetki maz̃h ce z̃akhmizor
Jus̃hes̃h yawem dam-e ishq, thaw’mes̃h dem rakhnig̃h har ror

Cereng go’m nast dem z̃hũ dhast, ki car’m k̃hũ darder darmon
Vitkem yow ishq-e ghũlom, dar pẽ darem wuz nochor

Car’mes̃h bowar nek hamish, ne’p gok̃ht yow maz̃h t̃or pẽ bezd
D̃ul kk̃hũ pariyer niyoz, yowi ce z̃hũ wafodor

Tiloyi muy et yow ruy, rũs̃han sitorisht buybuy
Gũlobi labes̃h ki kand, wez’nes̃h yan dẽ k̃hũ kanor

C̃hez̃hmes̃h ce c̃hez̃hm-e didig̃hd, ki cherne ska rẽ pũzũv
Rand’nes̃h limaner k̃hũ zik, car’nes̃h yan khuz̃hgig̃h s̃hẽkor

Fazal Amin-e jon en pũrũt, yow Porsoyi ishq-e bahor
K̃hũ gũl-e noz et ado, dũrzdes̃h hamish ska k̃hũ tor

Composed on September 15, 2023 in Gilgit