Nast Hechkuy Z̃hũ Gũl Rano Rang Ma’r Nozyun

Cẽ Fazal Amin Beg en

Nast hechkuy z̃hũ gũl ra’no rang ma’r nozyun
Yowi k̃hat z̃hũ zindagig̃h-e ishq-e nis̃hun

Yow-e khũshruy zẽveynes̃h nũst z̃hũ dardev
Ki g̃hates̃h yow owog̃h rem pũzũv-e khun

Ki rec̃h’mes̃h wuz dẽ kum ranj yoy dẽ kum gham
Yow-e chobũk nigohes̃h dik̃ht yav yikhun

Z̃hũ gũli gũl’v-e ya gũl, pari’v-e toj
Chizer ne dũrzem yan yow wuz skem k̃hũ pun

Dẽ har baf yarki pũrũt ce razokor
Bũnd et yewe’des̃h yav kũl ska k̃hũ hũnar-e bun

Ma’ri yow khuz̃hg qisayisht misl-e maywa
Chizer ne g̃hũrtem yav yan wuz rem k̃hũ g̃hun

Fazal Amin-e ishq-e wafoyi yow Porso
Ki dem k̃hũ s̃hũrig̃h yasht kifch c̃hawnes̃h mulun

Composed on September 16, 2023 in Gilgit