Social

Dẽ Aql-e Jahon

June 21, 2018

Cẽ Fazal Amin Beg en

 

Ajabi dẽ sir’v-e mulung, kũl aql-e la’l k̃hetk k̃hat pinhon

Tam-e tov c̃hites̃h kũl nafs, kat̃’nes̃h dhastpũdh ce dem jahon

 

Khũdhowand shũker tower, zindaig̃h-e nanget ma’r dhet

K̃hũ kũl makhluq’v en dem dũnyo, ghafch blan ya j̃anget ma’r dhet

 

Kũl makhluq’v en farkhet kert, dhetet maz̃her aql-e niyamat

C̃hawũvdes̃h maz̃h dem jahon, ne gũtak-e lup ya dawlat

 

Yew’rem wuz ya k̃hũ vẽdek, wũz’mem pũrũt aql-e sifot

Werkhũvem aql-e barakat, woz yow rahmat dem kharobot

 

K̃hũ nafs-e go’m k̃hũ tobeh, aql-e podsho go’m ska swor

Chizer ki aqli sẽk sar, nafsi rẽ dest, ki dishen sak yav-e kirdor

 

Har rost vẽdek e s̃hẽkurgem,   har shakig̃h en halem wuz dhir

De aql-e maydon c̃hawem,dem jahon dishem wuz k̃hũ pir

 

Fazal Amin! Me lecer tag, dem jahon tu aql-e jilaw

Hamish s̃hukurg yem-e sir, dem maydon trẽ pũrũt tu c̃haw

 

 

You Might Also Like

No Comments

Leave a Reply