Yinoti Karomot (A Poem on Four of my Deceased Family Members and Relatives on the KKH at Dasu in result of a Car Acccident)

Cẽ Fazal Amin Beg en

Neyem tu dẽ k̃hũ khuz̃hg watan, tuwem dẽ safar wuz trẽ bar,
Ce khũshruy Frons-e kishwar, niyengem tu wuz da Nant-e s̃har

Ghafch khũshig̃h mes̃h reg̃hdis̃h ce wakht, dẽ z̃hũ dustyor’ven dẽ har yark
Hũmũyd tẽ khun-e dest yo, hũmũyd yem cẽ khun en tẽr bar

Yinot’v-e wingi lozim maz̃her har wakht, dem z̃hũ zindagig̃h
Kum wakhtem ki ne wind yinotev, woc’mes̃h bosob ghafch yan jon pẽ sar

Yi ror windem ce yinot ki parishonholi z̃hũ diyor
Yighũn khalg’v-e chez̃hmisht parpar, woz yig̃hun’v-e yas̃hki sharshar

Ya z̃hũ gũlv’-e jahones̃h wostes̃h ajab pẽ rakhnig̃h-e mur
Z̃hũ khondon et z̃hũ khis̃hqom vitkev sargardon woz ce abtar

Khabarem vite k̃he k̃hatem k̃hater, ki me woc parishon
Yinotes̃h wost karomot yoy bikũfot, tuwet k̃hat niv tey tẽr safar

Chiz malũm wostes̃h z̃i janqan z̃hũ yinot, ye z̃hũ Khũdhoy
Ajabet yewerd k̃hũ mol, cem spo khun’v en ye z̃hũ parwar

Kẽs̃henem ki yem badh khabar, viti’m wuz nek ghafch sargardon
Rosti tey a nast yem khabar, ne wezde tag ma’r yem bowar

Dem jahon khalg-e wẽzayn, woz cem en rec̃hn nasti fan
Du’o car ye Fazal Amin, yashtev niv da bihisht-e bar