Dem Khũsh Bahor ce Wezde, Shũm zemiston -e Dũma

Cẽ Fazal Amin Beg en

Dem khũsh bahor ce wezde, shũm zemiston -e dũma
Cherne yow ce ta khona, z̃hũ gũli k̃hetk tẽrg̃hiya

Nag̃hd to ror ce’t tu karas, ki yi nag̃hd g̃hate ya bilas
Yitki k̃hetk tow dem dũs̃hta, cereng carem k̃hũ nola

Da yaz’v-e suzes̃h k̃hat wul, randes̃h khũshruy ma’r k̃hũ vul
Sadqa’m ta’r gũl banafsha, haletket ce pokiza

Kat̃es̃h k̃hũ yod-e k̃hũ har tag̃hm, dẽ har zamon dem z̃hũ dil
Woc’nes̃h yasht lup et toza, vitkem ce wuz ti banda

Skem ti ishq-e araq-e takht, pev’m et teyem ce har wakht
Dẽ towem wuz mastona, car’mes̃h rostki ti girya

Kẽt̃etkem dhir ce birgush, nasti wũs̃hũk ye z̃hũ khuz̃hg
G̃hat jald dem ishq-e savza, bahodũr z̃hũ parinda

Ti Fazal Amin ta’r niyoz, k̃hetki ti yodev pẽ poz
Wer’c̃hnep kifchtan sak zinda, dem ishq zhindag hamisha

Composed on September 15, 2023 in Gilgit