Gezd’im cumloy ki Rũms̃hem, Dem jahon K̃hũ Jon-e Hamro

Cẽ Fazal Amin Beg en

Gezd’im cum loy ki rũms̃hem, dem jahon k̃hũ jon-e hamro
Nev vite tag yem ma’r mũmkin, ki bũnem k̃hũ gũl-e ra’no

Dẽ z̃hũ har tek̃h en qiti, vitki ce yow-e yod maz̃her jeft
Kum wakht ki bondem yow yod, niwizdep z̃hũ tek̃ht dem dũnyo

Vitki ma’r tumer qiymat, ki la’l-e Badakhs̃honi chiz
Ghafch pũrũt ma’r yow-e ishq, chiz go’m ya almos et tilo

Vitki pũzũv z̃hũn pilpich,cartes̃h k̃hũ girya et nola
Dam g̃hẽtak haten’wm zirich, werc̃h’mes̃h har wakht c̃hez̃hm daro

Yow yod-e ma’r k̃hetk harom, yem z̃hũ khuz̃hg yinũk et z̃hũ orom
Diwonawores̃h g̃hirem, d’am-e khũshruy vul jo bajo

Dik̃ht et teyi trem z̃hũ yod, yow-e ya yusig̃h qisayisht
Nasti filhol gar chora, got’mep jald wuz woz yow rizo

Da k̃hũ gũl-e yodet nẽs̃hetk, Fazal Amin ce k̃hatet rũms̃hetk
Pishew woz wez ska vẽdek, wiz’tep ti s̃hik̃h k̃hat ti Porso

Composed on September 15, 2023 in Gilgit