K̃hetket ce Awora Maz̃h, Da K̃hũ Ishq-e Bindigig̃h

Cẽ Fazal Amin Beg en

K̃hetket ce awora maz̃h, da k̃hũ ishq-e bindigig̃h
Chut̃ nag̃hd en cẽbas k̃hatet, da Khũdhoy-e bandagig̃h

Ti rũli ce vitk skem z̃hũ pũzũv, woz skem z̃hũ khiyol
Ti fikr’nem pervetk ra glecig̃h, dem k̃hũ oshiqig̃h

Rũms̃hetkem ce k̃hũ Parwardigor woz yow parastish
Magam shũkres̃h carem ki dhetki tow dem z̃hũ khuz̃hgig̃h

Khũdhoy-e Pok-e zoti ghafch lup, har gũmon en dhir
Wũzũmdes̃h ishq-e jeftev boham, da k̃hũ Podshohig̃h

Cumer be bas ki wez ye z̃hũ jon, Khũdhoyer tu shũkr
K̃hetki ce tow ya ishqer z̃hũ yor,da K̃hũ donoyig̃h

Me nũs vẽdek k̃hẽ woc kumer wũdh, tu da k̃hũ amal
Woc tu cẽ haq en ya z̃hũ Porso, got ya bũlandig̃h

Car ko du’o ki got yow shafo, ya ti Fazal Amin
Wez k̃he niv c̃haw tu dam zindaig̃h, me car noshũkrig̃h

Composed on September 17, 2023 in Gilgit