Yemi Tey Rasm-e Dũnyo, Rost oshiqes̃h wost fano

Cẽ Fazal Amin Beg en

Yemi tey rasm-e dũnyo, rost oshiqes̃h wost fano
Dilshikan! Kerted gũno, disũves̃h niv k̃hat ce porso

Tuba car da k̃hũ zamir, k̃hũ oshiqet k̃hetk jizir
Ishq-e safar-e dũnyo, Ce’ng khalges̃h cart dem wafo

Khũdhoy pũrũt woc hũshyor, c̃hak bandagig̃hi nast ma’yor
Dam banda en ahd et wafo, pirivtes̃h pũrũt dam dargo

Ki k̃hanes̃h lupi Ka’bah, masjid et jamo’tkhonah
Inson-e pũzũvi bolo, ki yemi khona-e Khudo

Cumer ki car bandagig̃h, weres̃htep to’r sharmindagig̃h
Randes̃h k̃hũ oshiq sazo, k̃hetket yow pũzũv tabo

Khũdhoy-e dishn ki tu k̃han, k̃hũ pũzũv bar het̃ et san
Chalg k̃hũ oshiqer be du’o,yod yan yow da k̃hũ ado

Ti haten ti Fazal Amin, chaldes̃h du’o nozanin
Me wizit ta’r chiz balo, khũsh werec̃h tu dem dũnyo

Composed on September 17, 2023 in Gilgit