Wezget Ce Dem Z̃hũ Ishq-e Korwon, Nag̃hdisht Biyinũk

Cẽ Fazal Amin Beg en

Wezget ce dem z̃hũ ishq-e korwon, nag̃hdisht biyinũk
Ki nastet dẽ man tu ye z̃hũ jon, rorisht be tonũk

Janqan z̃hũ pari me k̃hat tu het̃, tumer be dem jahon
Odamzodisht me caren tow tolon, hal z̃aq dhir et rũk

Ki woc’nes̃h trẽ liman ti khuz̃hg owog̃het ziboyi
Dũres̃h ce fazd tu dem z̃hũ makon, ye z̃hũ ishq-e mũk

Khũshruy partowũs rang yem ti tuk, woc’mes̃h cumer put̃
Wezi’s̃h ce yan dem raqs-e jahon, woc’mes̃h ce nozũk

K̃han’mes̃h ki carem woz yi s̃hẽkor, girdev dẽ rẽdik
Da’m moles̃hem haletk wuz pahlwon, magar dẽr wũs̃hũk

Tẽnz̃etkem k̃hũ kalom-e yem sakht, hũf’mes̃h mastona
Lavz’v-e tund et bitisht ce oson, dem qalam-e rũs̃pũk

K̃hũ Fazal Amin me car zaghzẽwal, trẽ miskeni yo z̃akhm
Wez, woc ko niv yow darder darmon, nik̃hind yow wũs̃hũk

Composed on September 17, 2023 in Gilgit