Da K̃hũ Khiyol-e Khunet Ki Tey, Yod Yiloy Maz̃h Car

Cẽ Fazal Amin Beg en

Da k̃hũ khiyol-e khunet ki tey, yod yiloy maz̃h car
Ska bandagig̃h-e yikhunet ki tey, yod yiloy maz̃h car

Gok̃h’nes̃h pũzũv ki k̃hũnen shisha, win’nes̃h kũl chizev da
Z̃hũ Porso z̃hũ nozyunet ki tey, yod yiloy maz̃h car

Vitket ki Khuz̃g Khũdhoy-e oshiq, dish oshiq-e dard
Rem k̃hũ oshiq-e g̃hunet ki tey, yod yiloy maz̃h car

Ishq hũmũyd khuz̃hg Khũdhoy en, yoy Khũdhoy-e banda en
Da bandagig̃h-e s̃hig̃hunet ki tey, yod yiloy maz̃h car

Kum’ri qabũl Khũdhoyer, kuy ki zhet asl k̃hũ oshiq
Dem oshiq-e da zunet ki tey, yod yiloy maz̃h car

Dish rost yem k̃hũ oshiq ye jonon, me hal tag ca’n dhir
Z̃hũ ishq-e ya nis̃hunet ki tey, yod yiloy maz̃h car

Nastet jidha tu tag ye z̃hũ sanam, har wakht dem z̃hũ yod
K̃hũ Fazal Amin-e junet ki tey, yod yiloy maz̃h car

Composed on September 16, 2023 in Gilgit