Love / Romantic

Kẽs̃henem Wudhg Kumer Ya Ti Khuz̃hg Sado

November 16, 2019
wakhi poetry

Cẽ Fazal Amin Beg en

Kẽs̃henem wudhg kumer ya ti khuz̃hg sado
Ti khũsh gũftorig̃h et khũshruy ti ado

K̃hatem ki chi’r ne nivishem woz yi bu band
Wũzmem ti khũsh sifat dem lafzev daryo

Tummer rawoni mes̃h ya ti khuz̃hg qisa
Fẽzdetket dũr ce dem z̃hũ ishq-e dũnyo

Werec̃h obod hamish dem z̃hũ khuz̃hg kis̃hta
Niga cart Khũdhoy tow ma’r ye z̃hũ porso

me cart kuy tow e c̃hez̃hm ye z̃hũ jonon
dũshman’v-e nazar thit, yemi z̃hũ du’o

g̃hates̃h dem z̃hũ dimogh ti har khuz̃hg khiyol
larzũvdes̃h z̃hũ pũzũv ti e khũshruy sado

wũzũm k̃hũ gũl-e khuz̃hgig̃h woz be pũrũt
Fazal Amin, me lecer tag dam en k̃hũ wafo

You Might Also Like

No Comments

Leave a Reply