Kertem Tow wudhg Mida Mida(I smashed you today)

Cẽ Fazal Amin Beg en

Kertem tow wudhg mida mida
Z̃hũ jon-e khuz̃gh z̃hu banafsha

Bakhs̃his̃h ma’r car ye z̃hũ Porso
Bihisht-e asl z̃hũ farishta

Niyoz wuz wocem ta’r hamish
Z̃hũ ishq-e bogh-e shikinda

Dem z̃hũ tirich jahones̃h tu
Woc ma’r tu z̃hũ nũr-e dida

K̃hetem ozor tow khuzz̃hg pari
Vitkem niv cumer sharminda

Ti lup pũzũver wuz g̃hirem
Tu’t bohodũr z̃hũ parinda

Ki teyem asl ya ti oshiq
Me tarjũv maz̃h de k̃hũ girya

Qũrbon wost ta’r Ti Fazal Amin
Tu Werec̃h khũsh et darakhshinda

Composed on January 17, 2023 in Gilgit.