Love / Romantic

Poems of Fazal Amin Beg During His Youth in 1990: Ye Z̃hũ Dũr Z̃hũ Nozamin

May 30, 2018

Cẽ Fazal Amin Beg en

Tuwet tey ey ghafch loyiq, wuzem tey sẽk tow oshiq
Wez k̃he car tu yem tofiq, sak buy wocen baf shafiq
Ye z̃hũ dũr z̃hũ nozmin, tuwet tey ey ghafch hasin

Nasti maz̃her tag amon, har wakhtem wuz biyarom
Ti yode maz̃h k̃hetk bijon, nives̃h ko wuz cereng gom
Ye z̃hũ dũr z̃hũ nozmin, tuwet tey ey ghafch hasin

Tayin maz̃h e car z̃hũ jon, dremeri tey ey lal-e kon
Chiz’res̃h lec’r k̃hũ ishq pinhon, rũnd̃ũy niv hadem tũfon
Ye z̃hũ dũr z̃hũ nozmin, tuwet tey ey ghafch hasin

Me ghafch k̃han ey Fazal Amin, tum’rep disht niv ya hasin
Kũs̃hũydep niv ya shirin, ya z̃hũ dũr z̃hũ nozmin
Ye z̃hũ dũr z̃hũ nozmin, tuwet tey ey ghafch hasin

You Might Also Like

No Comments

Leave a Reply