Love / Romantic

Vitkem Nochor Ye Z̃hũ Gũl Wuz Da ti Yod

November 12, 2019

Cẽ Fazal Amin Beg en

Vitkem nochor ye z̃hũ gũl wuz da ti yod
Dem ti barem wezg k̃he car’mes̃h ta’r faryod

Thũwdes̃h ti ishq maz̃h hamish ce da s̃huw nag̃hd
K̃hũ dard-e darmoner yan car’mes̃h ta’r dod

Me g̃hirũvd maz̃h e s̃hẽkorch yem ti khuz̃hgig̃h
G̃hat tu jald dem z̃hũ tabibig̃h-e murod

S̃hapt et shachishtes̃h rũyen skem spo vẽdek
Car maz̃h niga, ye z̃hũ ishq-e odamzod

Ne’p kuy kercert g̃hirũvd spo ishq-e makon
Yem-e bũnyodhen likerkt sake da pulod

Dem k̃hũ ishq-e jahon rek̃hen sak bũland
Johil’ver chiz malũm rost ishq-e sawod

Fazal Amin! gũtetket k̃hũ ishq-e porso
Pũrũt rec̃hit dem jahon werc̃hit obod

You Might Also Like

No Comments

Leave a Reply