Ye Z̃hũ Khũshkuy Hamsafar, Hampiyola, Hamrikob

Cẽ Fazal Amin Beg en

Ye z̃hũ khũshkhuy hamsafar, hampiyola, hamrikob, g̃haten janqan da k̃hũ khob
Bakhs̃hen k̃hũ soz-e hũnar, j̃akhen k̃hũ ishq-e rabob, caren k̃hat woz dem sirob

Nivshen k̃hũ ishq-e doston, weres̃htep yow dem jahon, khushbuy-e gũl-e rahon
Leceren drem yi nung et s̃hung, wez wocen sak hamkitob, ki yowi gha lojawob

Di’n sivand niv ye z̃hũ jon, limaner gila et shikwa,ta’r g̃hird yem ti prwona
Dem k̃hũ ishq c̃hawen pũrũt, noyoft z̃hũ gũl-e gũlob, ye z̃hũ pũzũv-e shabob!

Z̃hũ kalomisht ti haten, ti khuz̃hg owog̃h z̃hũ haten,trẽ liman en k̃hũ haten
Dines̃h ki liman kanor, voynes̃h cart ca’n ya oftob, da tirich nag̃hd ya mahtob

Khũshruy ti ruy en barg’v-e vul, yundes̃h maz̃h ce da nasha, woc’mes̃h ska s̃holkh ce basa
Khuz̃hg ti zik en dardisht gul, chiz go’m tabib et sharob, yoy ya dorũw et kabob

Tapin wocen nogũman, bũland sak dẽ kũl jahon, skem zamin et da osmon
Oshiq et ma’shuq-e jon, ki vite yũw dem liqob, ye z̃hũ bahodũr uqob!

Ye z̃hũ Porso, z̃hũ shirin! Jald g̃hat dem k̃hũ Fazal amin, dem zurig̃h wakht maz̃h e win
Wocen hamro bowafo, bosafo dem ishq-e bob, dhir sivand niv k̃hũ niqob

Composed on September 16, 2023 in Gilgit