Yi Nik Orzu et Du’o: Z̃hũ Khuz̃hg Ustodh Ghulom Beg

Cẽ Fazal Amin Beg en

Z̃hũ khuz̃hg ũstodh, woc sihatyob k̃he pẽshew de k̃hũ watan
Har mumines̃h cart ce du’o ki, wez dẽ k̃hũ hũsh da k̃hũ tan

Ti ũstodhig̃hi nast ro joyũvn, har maydonet ce pũrũt
Soz’v-e g̃hirũvn tower shitik, s̃hitikisht tek ya ti shan

Cheremdes̃h jon da bam et z̃il, Ghes̃htet kandes̃h ce ya sitor
Ki g̃hates̃h da’m ti khũshruy dhast, cartes̃h yow raqs ra ti doman

Wost d̃ẽd̃ang sũrnay et d̃amal, yoy bim baja –e somon
Ki win’nes̃h ti khũsh sũrat, jakhnes̃h yasht k̃hat ce ske ti shan

Fazal Amines̃h cart yem du’o, wost ti har yi mũshkil oson
Me perv sẽk tuz̃hn-e vẽdek, got oromig̃h tu dem chaman