Love / Romantic

Nik̃hitem K̃hater Ce S̃heg̃hd Ishq-e Dũs̃hta

November 12, 2019

Cẽ Fazal amin Beg en

Nik̃h’tem k̃hater ce ya s̃heg̃hd ishq-e dũs̃hta
Khũshruy ya tag̃hmi ra z̃hũ gũl banafsha

Z̃hũ gũl-e parwarishi skem z̃hũ gẽrdan
Fakhri ma’r car’mes̃h wuz ce yow-e dilwiya

Kum’ri ya’r yupk redhor kumer ya khũrok
Hamish skam hes̃shes̃hem ce wer’c̃hem har gẽna

G̃hetetki z̃hũ ishq-e banafsha ce dẽ maz̃h
Mebodo kum jobir cart yow shikasta

Cam-e vul’nem wudhg ce vitk gha sarshor
Yow khũshruyig̃h k̃hetk maz̃h k̃hat farifta

Nik̃hitki yow-e k̃hũ tag̃hmev gar dem jahon
Magam dam k̃hates̃h wuz k̃hat halem zinda

Fazal Amin! Khũshbakhtet gũtetket k̃hũ khuz̃hg
K̃hetkev limaner k̃hũ pũzũv-e shisha

You Might Also Like

No Comments

Leave a Reply