Dem Z̃hũ Pũzũv-e Diyor

Cẽ Fazal Amin Beg en

Dem z̃hũ pũzũv-e diyor, wezdit ce tu woz yi gũdor

Shũkres̃h ta’r carem z̃hũ yor, wezde ma’r ce ya khũsh bahor

Ki k̃han’mes̃h rũms̃hem a tow, nik̃hindem k̃hat yiloy trayand

Ajabi yem ti khiyol k̃hetkev k̃hat skem ishq ce siwor

Ne’s̃h dishem k̃hat e yig̃hun, k̃han’mes̃h okhir wuzem ko chiz

Chi’rem rek̃hk tumer mẽdest, vitkem dem ti ishq giriftor

Cum’ret ko tu dem z̃hũ hes̃h, persmes̃h tow wudhg ye z̃hũ jonon

K̃hetkem ce k̃hat e fano, dem ti khuz̃hgig̃h vitkem s̃hẽkor

Randes̃h jẽwob maz̃herk̃he tu, k̃hanes̃h ce ki, ye tu z̃hũ jon

Ishq-e vẽdeket ce dez̃hg, c̃haw tu pũrũt, got z̃hũ asror

Ki ne’s̃h k̃hand chiz ti jonon, foretki ya’r ti oshiqig̃h

Jaldep wiz’t moh-e Parwin, disũvdep tower ya k̃hũ didor

Vite khũsh Fazal Amin, ki goti ce ya ti payghom

Rok̃hopte wudhgg-e dem nag̃hg, ghafch dẽ tinjig̃h woz mazador