Love / Romantic, Wakhi

A beautiful Wakhi Ghazal: Khũsh Niv Hald Yow Da K̃hũ Jay, Lekertem K̃hũ Oshiqig̃h

December 1, 2022

Cẽ Fazal Amin Beg en

Khũsh niv hald yow da k̃hũ jay, lekertem k̃hũ oshiqig̃h
Damshi ce k̃hetk ghet̃ et lay, wũdhep wost yow ra layig̃h

Ishq-e ya qadr dem jahon, kum’res̃h disht bet ya nodon
Sẽk g̃harpũzũves̃h ce k̃hat shay, ne’p got cam en ya s̃hũrig̃h

Kum’res̃h cart kũpit wafo, sẽk dheng-e ruyi yow dũnyo
Yites̃h da’n shary paray, boz mes̃h yo’n chiz bẽboyig̃h

Dem safar c̃haw zurowar, jaldep got k̃hũ hamsafar
Dhir sivand sar en tatay, kum’res̃h got cam en khuz̃hgig̃h

Chiz’res̃h car ghal k̃hũ nola, wakhti wezg cam en toba
Khuz̃hg k̃hũ ishq-e tifl-e day, me woz cart kuy biqadrig̃h

Ya bihis maz̃h gha bũrbod, okhir kertem k̃hat ozod
Wudhgem kert bis̃hũr e hay, bas wuz dam ishq-e mastig̃h

Rũmũsh ya suz ye Fazal Amin, kũs̃hodh kũl jahon e win
Sozi ce ska ghizhek et nay, nemenj niv mast da khushruyig̃h

You Might Also Like

1 Comment

  • Reply whoiscall August 31, 2023 at 10:21 pm

    Thanks!

  • Leave a Reply