Khuz̃hgig̃h-e Wũseng

Cẽ Fazal Amin Beg en

Zemiston-e yik̃h-e jẽnaw, chi’ret z̃hũ jon,ghal ne wũsheng
Yem spo yidhensn me wost k̃heng, wez k̃he din k̃hũ ishq-e nidheng

Yem zamon dẽ har jahon, mures̃h ce dik̃ht nast dẽ gũmon
Ceyep gizd bikhlew woz tũfon, g̃hat k̃he dremer wost woz chiz zeng

Dẽ kesak-e wakhti ajab, kumer wirding kumer witish
Birkirig̃h wostes̃h kirish, hawo’s̃h ki c̃hit yundes̃h ya dheng

Zolim tũfoni dũma, wezde k̃he dik̃hti z̃hũ ishq-e darkhat
Ska tũrem k̃hetu k̃hũ yoth, nostem yow vitkem dhast rẽseng

Fazal Amin me woc tu j̃aw, pũrũt c̃haw dem ishq-e safar
Wakhtes̃h rand k̃hatk en samar, me go k̃hũ pũzũv shak z̃ereng