Love / Romantic

Moh-e Parwin Ta’r G̃hirem

June 25, 2018

Cẽ Fazal Amin Beg en

 

Moh-e parwin ta’r g̃hirem, gũl-e ambrin ta’r g̃hirem

Gũl banafsha z̃hũ shirin, banafshayin ta’r g̃hirem

 

Dem z̃hũ pũzũv-e khunet, z̃hũ yi dona nozyunet

Z̃hũ ishq- lup nis̃hunet, Moh-e Parwin ta’r g̃hirem

 

K̃hatet z̃hũ ishq-e dawlat, dem z̃hũ juni yem ti sifat

Z̃hũ khũshruy pari sũrat, moh-e parwiin ta’r g̃hirem

 

Hamishet ce s̃hprẽz̃hetk, ye z̃hũ gũl ma’ret s̃ũpkhetk

Nasti kuy ti rang zevetk, mohh-e parwin ta’r g̃hirem

 

Ki pervimes̃h dẽ kum gham, cares̃h skem ishq maz̃her dam

Z̃hũ dardisht woc’nes̃h ce kam, moh-e parwin ta’r g̃hirem

 

Hũmũt yem pũrz yoy sari,bikhabar wezi’s̃h shohi

Ti didor car’mes̃h pari, moh-e parwin ta’r g̃hirem

 

Fazal Amin wostes̃h toza, ki wiz’tes̃h da ti soya

Bũlandi ti sitora, moh-e parwin ta’r g̃hirem

 

You Might Also Like

No Comments

Leave a Reply