S̃hũkrat, Salom et Mindorig̃h

Cẽ Fazal Amin Beg en

Sad hazor loy Khũdhoy’res̃h shũkr carem
Wuz gũdoy dam-e bar ce zikres̃h carem

Durud et salom wost sẽk z̃hũ Mustafo
Skam-e ol-e ppok et Ali Murtazo

Sadqa wocem ta’r z̃hũ Imom-e Zamon
Maz̃h nochor’ret ce dhetk ghafch chiz dem jahon

Weres̃ht doyim salom sẽk z̃hũ har pishraw
Z̃hũ bũzũrgisht Rumi et Nosir Khusraw

Z̃hũ Shams-e Tabriz et Sarmad woz Haloj
Disovdev ruh-e karomot-e riwoj

G̃hirem saver Hofiz, Attor et Sa’di
Firdawsi, Jomi et ya z̃hũ Rudaki

Wocem qũrbon ta’r z̃hũ Shams-e sabzwori
Mastam dẽ tow Sachal Sarmast-e Wali

Nungdor z̃hũ Sadruddin et Kabiruddin
Ajabev likerk k̃hũ naqsh skem spo zamin

Ce pur tosiri z̃hũ Shahboz-e Qalandar
Zikriyo, Bohu et z̃hũ Ganj-e Shikar

Bulandig̃h cartes̃h parwoz Rahmon Bobo
Yem zeli Khushhol Khon Khat̃ak dem dũnyo

Cerengep rũms̃hem wuz ya Shoh et wali
Shoh Wali, Shoh Tolib et Bobo Ghundi

Salom z̃hũ Khoja Big Ali et Qawsar
Khoja Khizr, Khanjari et Shoh-e Qambar

Sẽk k̃hũ amal ce disovdev ce insonyat
Dẽ k̃hũ hikmat disovdev jon-e qudrat

Cart tu shukrat wudhg dem nag̃hd ye Fazal Amin
Dhetk z̃hũ Mawlo ce ta’r timiker ilm-e zarin

Kũl waliv et sufiver g̃hat z̃hũ salom
Dem en qiti nũwzmes̃h tray and dem kalom