Ya Z̃hũ Gũli Ce Nẽs̃hetk, Nasti Tag Cam en Khabar

Cẽ Fazal Amin Beg en

Ya z̃hũ gũli ce nẽs̃hetk, nasti tag cam en khabar
Bis̃hũrig̃hi dam ce thetk, dẽ kum holi ko z̃hũ ambar

K̃hat’mes̃h yower tu’t z̃hũ jon, balki z̃hũ jon-e jahon
Albat ne rawo tiwetk, ya’r z̃hũ ishq-e bor et bar

Da khũsh bahor-e oghoz, z̃hũ gũle dhet ma’r yi lup dard
Kũ gẽna z̃hũ pũzũvi s̃hẽket, niyengi niv khũsh ya zũlmgar

Matlab-e dũnyo’er tuf, ya hirs-e intiho’er tuf
Insoniyat ki kuy ne dishetk, dam en ishqi g̃hirner zahr

Kũ spreg̃hisht nast yi rang, me woc nodon Fazal Amin
Noyofti ya gũl-e vul, kumdi ki misl-e ambar

September 15, 2023 in Gilgit