Ye Z̃hũ Tilo et Khũnz̃o, Ye Z̃hũ Porso

Cẽ Fazal Amin Beg en

Ye z̃hũ tilo et khũnz̃o, ye z̃hũ Porso
Ajabet k̃hetk noniyeng yem z̃hũ dũnyo

Rorisht vitk maz̃her ce nag̃hd et nag̃hdisht ya ror
Cereng go’m nast chiz chora, z̃hũ rahnumo

Ki pirvites̃h ti yod-e nasha tem z̃hũ sar
Ne’s̃h wer’c̃hem tag de k̃hat et wocemes̃h podsho

Kumer Khũdhoy-e yod yoy z̃hũ khuz̃hg Imom
Da ti yod mastes̃h halem ce wuz gado

Ko k̃han z̃hũ jon kum batkep hal haz̃i dhir
Me g̃hat ya ror ki bikhlew woc bihamro

Ghali be tey ta’r wakht ki wez dẽ hũsh
Me nas̃ht spo ishq-e rizq, Khũdhoy-e rẽdho

S̃hũrig̃h k̃hak dish ko didig̃h yem k̃hũ oshiq
Ce sokhti Fazal amin ghal da ti wafo

Composed on September 29, 2023 in Gilgit