Bis̃ha Bis̃hum Wũrek̃hkem K̃hat

Cẽ Fazal Amin Beg en

Bis̃ha bis̃hum wũrek̃hkem k̃hat
Noyoft z̃hũ Porso jald ko g̃hat
Me hal ghofil tag z̃hũ pari
Kat̃ woz wẽyawg dem muhabat

Tirich ya nag̃hdisht skem z̃hũ sar
Vag̃hdishtev g̃hẽtetk ce dem z̃hũ bar
Hazor sadoyisht har palew
Kum’ret nẽs̃hetk z̃hũ khũsh sũrat

Khũshruy z̃hũ gũl, z̃hũ ishq-e jon
S̃hũpkhetket dem z̃hũ ruh-e jahon
Dũshmanisht wũrkhetk har palew
Me kat̃en dhast da ti izat

K̃han’mes̃h ta’r skem k̃hũ ishq-e tor
Me tag yem k̃hũ oshiq ozor
Ne’p wiz’t ta’r kor ti bandagig̃h
Wafo dem ishqi ibodat

Wez caren yiloy woz paymon
Merin skem k̃hũ ishq dem jahon
Yod tu be yem k̃hũ Fazal Amin
Wũdũr yow doman-e shafqat

Composed on September 24, 2023 in Gilgit