Layli et Ya Majnũn-e Rang

Cẽ Fazal Amin Beg en

Ki caren ishq dem jahon, Layli et ya Majnũn-e rang
Ghũrten k̃hater ishq-e kon, risq-e baf ya baf shũpũn-e rang

Kuy’ni ki tey chiz chora, zenden ya spreg̃h-e vul cẽ ma’n
Yutkev gar z̃hũ yi dona, k̃hetkev dhir sẽk afsũn-e rang

Tuwet ishq-e samandar, ma’r hamish dem z̃hũ zindagig̃h
Neyet vitk ye z̃hũ dilbar, yaver yi rag yishũn-e rang

Ya ti khuz̃hgig̃h-e qadri ghach bũland, ma’ret z̃hũ sitor
Woy kum’res̃h lec’ren bet yasht la’l-e kon dẽ k̃hũ dũrũn-e rang

Ye Laylli ! Nastem bigham, ti yod en ghalem da k̃hũ dam
S̃hũrig̃h dik̃htes̃h gũmbowiz dem z̃hũ jigar ce ya khũn-e rang

Rek̃htet gar dhir ye jonon, magam dhetket z̃hũ ishqer jon
Neyem widhk̃hũvetk yem jahon, was̃hk darakht-e har mũn-e rang

Ti yod-e har khiyoles̃h, wiz’t maz̃her har dheng-e jẽnaw
Woc’nes̃h ma’r ce Taborũk wuch’mes̃h cem’ven ya dhũn-e rang

Pidhog̃hes̃h ki wost ti aks, ye pari rem pũzũv-e goz
J̃akhtes̃h pũzũv be ti soz, wostes̃h yig̃hun silisũn-e rang

Me sũdhũd tower binũr, Fazal Amini ti boz et bũspũr
To’ri ne wẽrek̃hk tag bis̃hũr, car yow jire ko k̃hũn-e rang