Ta’rem Qalandar, Ye Z̃hũ Shikar, Kumret ko Nẽs̃hetk

Cẽ Fazal Amin Beg en

Ta’rem qalandar, ye z̃hũ shikar, kum’ret ko nes̃hetk
Ko yiloy dũrz cẽ maz̃h en khabar, kum’ret ko nes̃hetk

Z̃hũ khuz̃hg partowũs, k̃han ko yiloy, yemi kum insof
Bandet ce k̃hetk qisa dem safar, kum’ret ko nes̃hetk

Dem ishq-e bẽdek ishqes̃h caren, fisqes̃h caren sivand
K̃hũ dilem k̃hetk ta’r shisha-e bar, kum’ret ko nes̃hetk

S̃hukurg’mes̃h tow lew-e jẽnaw, har jay dem jahon
Nes̃h gotem ya k̃hũ ishq-e rahbar, kum’ret ko nes̃hetk

Ti yod en z̃hũ tirich jahoni, can be vitk t̃ũmt̃ang
Z̃hũ nag̃hd-e sitor, rukhn sahar, kum’ret ko nes̃hetk

Pẽrvetkem darinda’v-e mulung, nast z̃hũn chiz chora
Ye z̃hũ bũspũr et ishq-e khingar, kum’ret ko nes̃hetk

Cartes̃h tow yod et tuz̃hdes̃h hamish, yem ti Fazal Amin
Yow negũtak ya ishq-e hamsar, kum’ret ko nes̃hetk

Composed on September 25, 2023 in Gilgit