Wuzem Ti Sanokhon, Tuwet Z̃hũ Khũsh Ilhon

Cẽ Fazal Amin Beg en

Wuzem ti sanokhon, tuwet z̃hũ khũsh ilhon
Qiti’n ki ye jonon, tapinen da osmon

Ishq-e dem k̃hũ safar, vitkem ce dar pẽ dar
Ti fikr en pũrz sahar, z̃hũ khuz̃hg gũl-e rehon

Nẽs̃hetki z̃hũ farishta, vitkem kũl sarkota
C̃haw’mes̃h niv abota, dem das̃ht-e biyobon

Got’ma woz ya tiruy, z̃hũ khuz̃hgzik et khũshkuy
Ti khushbu z̃hũ khũshruy, dem wakht ki nogũmon

Kum’ri ya spo kanor, ya wakht-e khũsh bahor
Car’mes̃h nola har ror, khũshbuy-e gũliston

Firs firs ya ti qisa, s̃hok̃htes̃h dem z̃hũ girya
Woc’mes̃h kũl diwona, z̃hũ khuz̃hg ishq-e jahon

Dem ti yod Fazal Amin, shirin Moh-e Parvin
Res̃htep yow rem zamin, dẽ mawt-e nogahon

Composed on September 16, 2023 in Gilgit