Love / Romantic

Ya K̃hũ Khuz̃h Porso-e Haten Vitkem Bitob

November 11, 2019

Cẽ Fazal Amin Beg en

Ya k̃hũ khuz̃hg porso haten vitkem bitob
Yow e wing haten kũli vitkem kabob

Da k̃hũ khũshruy gũl-e vulem wuz ce mast
Dam-e pũrũt hechchiz nast ya gũlob

Wezgen gar sak kifch da k̃hũ ũmr-e mulung
Spo ishq-e yirani hamish da shabob

Khũshruy ti kẽndakes̃h s̃hok̃hd da z̃hũ pũzũv
Nik̃hindes̃h dem z̃aq z̃hũ dard, dũrzes̃h sawob

Ki mũshes̃h k̃hũ khuz̃zg owog̃h dẽ kum ozmũd
Wostes̃h ma’r yan ti khuz̃hgig̃h ce ghafch noyob

Ki westkũves̃h tu maz̃h dem k̃hũ ishq-e zharzh
Diwona’es̃h wocem janqan woz da k̃hũ khob

K̃hetket k̃hũ Fazal amin k̃hũ ishq-e ghũlom
K̃hũ narz en rand bor yo’r khuz̃gig̃h-e jawob

You Might Also Like

No Comments

Leave a Reply