Love / Romantic

Ye Z̃hũ Gũl, Di Hayemzel tu Trem Z̃hũ Yod

January 7, 2019

Cẽ Fazal Amin Beg en
Ye z̃hũ gũl, di hayemzel tu trem z̃hũ yod
Z̃hũ ishq-e was̃hk zamines̃h skem obod

Ki mũshes̃h z̃hũmak-rang k̃hat tu da witish
Wostes̃h z̃hũ chut̃ zindagig̃h ca’n be bũrbod

Ki nig̃hevũves̃h ya mur ye z̃hũ sanam
Har yi c̃hẽkanes̃h g̃hat ce da z̃hũ mũrod

G̃hat’mes̃h okhir wuz da k̃hũ ishq-e osmon
Kũs̃hũyes̃h ce k̃hũ ya oshiq-e faryod

Woc’mes̃h ce wuz be shohin dem k̃hũ jahon
Ki chermes̃h rem z̃hũ dũrũn ye parizod

Niyengem bũland wudhg ska oshiq’v-e takht
Tu wet wuz vitken ya Shirin et Farhod

Ki tu’t ya Fazal Amin -e ishq-e sitor
Chizer yan yow ne cart ta’r k̃hũ ishq-e dod

You Might Also Like

4 Comments

  • Reply Sultana Careem January 8, 2019 at 10:48 am

    Mashallah, Ghafch khushruy

  • Reply Muhammad Jalil January 9, 2019 at 3:07 pm

    Congratulations Fazal Amin Beg saheb
    This is what we expect from you, Great!

    • Reply fazalamin January 17, 2019 at 2:19 pm

      fThanks Jalil for your kind appreciations.

    Leave a Reply