Devotional

Khũdhoy-e Stowis̃hig̃h

May 23, 2018
DEVOTIONAL WAKHI POETRY

CẽFazal Amin Beg en

Shũker Tower yo Khudhoy, makhluq’vet ce peydo drem k̃hetk
Yupk et hawo, shet et rakhnig̃h,khũshruy’t ce yav sũvdo drem k̃hetk

Osmon hũmũyd yoy yem zimin, z̃hũmak, sitorisht yoy yem yir
Har yũw dremer nis̃hunev Tin, disũv’nes̃h yasht kũtan Ti sir

Pũdhin hũmũyn yoy ya tapin, rẽ yupk hũmũyn yoy skem zimin
Khames̃h yawen sarisht yaven ki Towe k̃hetk yav e jonin

Hadem kũli makhluq mulung farkhet sak kert dhetet khirad
Ne tag gũtak sumghuten got ki dũnyo’v en wocen blad

Bafig̃h shakig̃h yũwerni drem, khirad yarker wũzũmni drem
Pũrũt yundak bafig̃h’vi trem, cẽbas kẽt̃ak shakig̃h’vi trem

Hadem dũnyo yem Fazal Amin, okhir mũsofiri yo Khũdhoy
Nasib yower khiradmandig̃h, s̃hẽkhal ya’r wez yowi gũdoy

Nazmnik̃hing e torikh: November 2, 2008 de Gilt .

You Might Also Like

No Comments

Leave a Reply