Chizer Ne Carem Shũker Wudhg-e Dem ror

Cẽ Fazal amin Beg en

Chizer ne carem shũker wudhg-e dem ror
Z̃hũ jonon wezde woz ce da z̃hũ pẽrvor

Kũfetum tumer ki z̃hũ jon trẽ nũwizn
K̃hat’mes̃h ki coghdrep z̃hũ gũl wiz’t ma’r dichor

Tuwem dam-e yod et andisha ce khoyim
Carem k̃hũ ishq-e vẽdek cereng hamwor

Kerttem himat k̃he k̃hatem dam niv g̃hatem
Qũwem kert et vite hozir z̃hũ khuz̃hg yor

Kerten ghafch verz sak k̃hũ pũzũv-e qisa
Cereng go’n har gẽnayi qingig̃h-e ambor

Ki kerceren nik̃hinden k̃hat sak khoy tra vich
G̃haten da k̃hũ pariston, da ishq-e gũlzor

Fazal Amin! Tu et ti gũlev ki da ranj
Randep jald ishq-e ya ganj Parwardigor